話說早排番大陸做嘢，因為好耐都無同啲大陸同事食飯，所以便跟他們一起去食午飯。講開大陸買樓的手續，先知道原來有個開發人員已經有三層樓係手，雖然每層樓的價值只是廿多萬人民幣 (主要原因是沒有房產證)，唔包括佢自住個層樓外，另外兩層，扣除每月必須開支後 (不計入還款，因為沒有房產證的樓是不能向銀行貸款的) 還能夠有千多元的收入，利害﹗利害﹗ 另一個開發人員，原來係華強北路開左間專賣遊戲機的鋪頭，聽佢講而家叫收支平衡到，有少少錢賺。
講開無房產證的樓，原來買賣係靠一紙合同，由買方、賣方同第三方一起簽訂。由於無房產證，所以向銀行做唔到貸款，只能夠向賣方商討付款方法。我問佢咁麻煩，又無得向銀行貸款，做咩仲買，佢話等發展商收樓，而家先租俾人，到時發展商要開發，一係賠錢，一係賠樓，佢已經鐵定到時要樓唔要錢。按同事講，佢地買樓時先付相等於樓價一半的錢，之後再跟賣方訂明，在往後的一年內付清餘額，約十幾萬，每月要付萬多元，我看他還有其他收入來源，否則以現在的工資，肯定不足夠還付的。
原來佢地的目標好清晰，佢地做每件事都係為自己打算，而唔係拼盡全力幫人地賺錢﹗﹗ 看來我都要盡快發展自己的被動收入先得﹗﹗
No comments:
Post a Comment