紅米手機

好耐無寫慳錢攻略，今期就講下手機吧。

身邊的親戚朋友，不是「 i 瘋」，便是「三叔」，每部機的價值，閒閒地都最少要四千，i 瘋更要五千才有成交。

我比較簡單，我不喜歡太貴的手機，可能是我一早已試過智能手機。早在 hp 出第一代智能手機時我已買回來使用，當時一部約六千，好記得當時 hp 的智能手機底版出問題，令到部電話再不能就咁聽，一定要使用 hand free 才行…貴的唔一定好，但同時又已滿足了好奇的心態，所以之後每部電話都唔貴，千多二千元，曾經使過用過聯想的摺機電話 (好有日系 feel)，又使過用二手「毛記」，到而家轉用左紅米，都只是一千元，就算是小米 2 或小米 2s，都只是二千五百元，性能比「三叔」的幾千元手機有過之而無不及。

其實手機可以愈出愈貴，但又可以愈出愈平。貴的品牌溢價，而不是性能。如果你肯放棄「品牌」，純只去買電話的功能，基本並不需要太貴，二千多元已有找。你可能即時會想到大陸山塞機，又覺得好危險，無保障，所以才可以賣一千樓下，但當「 毛記」的「毛他 G」都唔需要二千時，可想而知「 i 瘋」及「三叔」的溢價係幾咁高。

有時，夠用便好，不需要一直追趕潮流，你肯定追不上的。