享受的，唔好慳 (SONY XR-55X90J)

其實呢篇嘢係 2021 年 8 月出先啱，不過之後無左回事，而家補番 😌

琴日同朋友食飯，講開買電視機，朋友玩開電子嘢，所以請教有無好介紹。

朋友話睇筆直，一部好少少的電視，萬幾二萬蚊唔算貴，仲話「享受的，唔好慳」，咁又係，電視可以話係耐用品，閒閒地可以用到七、八年。當 5 年換一部（但我而家個部用左成10年 😂😂），除番開其實每年只需要 $3,000 蚊，雖然負擔到，但始終一下至拿萬幾二萬蚊出來會有啲肉痛，唯有使用「分期大法」，令到個人感覺再良好啲 🤣🤣。

最後係 10 月入左部 SONY XR-55X90J，雖然部電視要 $14,000，但扣除消費卷 (我同太座兩個加埋 $6,000)，用信用卡優惠回贈約 $800，再扣埋 SONY 回贈 $2,000 超市現金卷，實際最終只需要俾 $6,000 多一點點。

行動前已經睇過幾部唔同的牌子及型號，例如 Samsung，對 Samsung 有興趣的原因是因為家裏一直睇開 Samsung 電視，睇了 10 年還使用良好，所以便看 Samsung 了。那麼後來為什麼會選 SONY 呢? 太久了，有點不太記得，主要是

1. OLED、Full Array LED 及 QLED 的比較
2. 4K@60fps 及 4K@120fps (X90J 能支持) 的支援
3. 能支持的音訊，例如 dolby atmos、dts:X 等等
4. 能否同時支持 airplay 及 chromecast (之前我買了一個外置的 chromecast，是不錯的，但在夏天時它會很熱，常出現 hang 機的情況)
5. HDMI 的數量 (它有 4 個 HDMI，HDMI 1 及 HDMI 2 只支持 2.0，HDMI 3 及 HDMI 4 則是 2.1，同時 HDMI 3 也用於 eARC/ARC 的，所以如果 HDMI 3 駁到 soundbar 後，實際便只有一個 HDMI 4 可以支持到 2.1)

後來在網上看了不同的評論，都說 X90J 是不錯的選擇，而且呢個型號係「日本製」，又是 2021 年出的產品，感覺比較良好 🤣🤣。

還有，如果你諗住會入手 PS5，咁 X90J 係一個選擇，因為佢支持 4K@120fps，而 PS5 一啲高質的遊戲正正係 4K@120fps，可以完美咁將遊戲的畫面及質素呈現出來。

其實係決定電視機大小時跟另一半是有一點分歧，我覺得買 50吋已經夠，因為之前個部只有 32吋，但太座一直嚷著要 55吋，說反正要換電視，便想換部大一點的，我選 50 吋的原因是因為電視機要掛牆，我住的屋苑，房與廳之間的並不是主力牆，所以擔心會掛不了，需要放回到電視櫃上，那麼，sofa 跟電視的距離會近一點。後來，在再三查詢後，也假設了如果掛不了牆的情況下，sofa 跟電視的距離還是足夠享受 55吋，最後便去入手了。

SONY 的培訓及安裝師傅的質素真的值得讚賞幾下，在來的時候是兩位看來不到 30歲的師傅，老實說，我有點擔心，太年輕給我不實在的感覺，感覺會求其完事，後來看著看著師傅如何度位，也留意到使用的電子設備來找出適當的位置，而使用的膠塞是 Hilti，這樣我更安心，因為看了很多有掛重嘢的 post 說 Hilti 是不二之選 (當然也要看現場情況，磚頭的構造及掛的位罝)。最後在安裝好原裝掛架後，其中一位師傅還特意向下用力壓來測試負重，我便知道沒有問題了😌😌。

電視機到今天已使用了約 3 個月，55吋確實不錯 (我有反省的 🤣🤣)。就是覺得聲音差一點，比較細聲，所以 2022 年的消費卷又有目標了 😌😌。