中國特色實物股息

唔睇都唔知原來中國的上市公司咁有創意…派發的股息唔係錢，唔係股票，而係實物，你地唔好誤會係實物股票，佢地派的真係實物，係佢地公司出產的產品，以下便是一些例子：

• 南方食品派發黑芝麻糊
• 量子高科派發龜苓膏
• 仲有人福醫藥派發就派感冒藥、安全套和艾滋病快速自檢試劑三選一“大禮包”

唔通佢地希望幫股東對抗通脹？

投資一間公司，除了希望可在股價上升後賣掉來賺取一筆回報外，也希望所投資的公司能夠每年派發股息回饋股東的支持。如果投資一間公司，佢係用佢旗下產品作為股息來回饋股東，我只可以用 {咁仆街} 來形容呢個情況…我有跟國內的同事及親戚閒聊，他們普遍也不建議投資 A 股，有錢也都會過來香港買港股，他們說投資國內上司公司，收到的股息就只有數百元或甚至數十元，這有可能是因為他們持股量少所引致，但投資回報普遍比較差，而管治水平亦較低，他們也說國內上市的公司老闆也都只顧自己，不會理會股東，這也是其中一個為什麼吸引不了投資者的原因。

如果真係要收 {實物股息}，我希望…

• 銀行可以派 {免找數簽賬額}
• 航空公司可以派 {機票}
• 保險商就可給股東選任何類別的 {保單}
• 影片發行商更係派 {三仔} 啦，因為四仔的話就會變左發佈淫褻及不雅物品，俾人停牌仲大獲！！