財務唔自由的結果

 就係做到而家先放工。要努力為自己的時間努力戰鬥，否財只是出賣時間換取有限金錢！

綠是彩色：真金白銀

連副刊記者都講黃金白銀…

http://hk.apple.nextmedia.com/supplement/special/art/20140524/18729080

作者：陳曉蕾
資深記者，著作包括《剩食》、《有米》、《死在香港》等，相信垃圾都是放錯位置的資源。

前陣子訪問關注氣候變化的作者喬拔萃，還有下文：假若天災人禍隨時到來，除了家裏保存兩周食水糧食，該如何自保？「買白銀，一定唔會輸！」喬拔萃斬釘截鐵地說。於是我跟着他，買了人生第一枚白銀。


純粹貪漂亮，選了美國的鷹揚銀幣，那背面的女神拿着大把稻穗，很精緻，拿上手重甸甸的彷彿很有份量，後來才曉得人們一般會買純度99.99%的加拿大楓葉銀幣，而鷹揚的是99.9%。把這銀幣送給我七十多歲的爸爸，他反應好快：「唓，又不是金幣！」


爸爸突然滔滔不絕說故事：「以前那些上海人來到香港，為甚麼有些有錢可以開工廠，有些窮到要去工廠打工？就是投資的東西不同，買股票的都淪為廢紙，但買黃金的依然保值。」他興致勃勃帶我去金行買金，喬拔萃相信國際金銀幣全球流動，但在我爸眼中鑄幣太花巧，他買的是金粒──好有趣圓滾滾的一顆金，中間還有洞，是方便走難時用繩子穿起來嗎？（先聲明：這篇文不是講投資策略，亦沒有建議買金或買銀。）


世界瘋了，價值是被造出來的，已經遠離本身的意義，白銀就是好例子。一安士銀幣僅僅180多港元，可是同樣一安士金幣，要上萬塊，價錢相差幾乎五、六十倍。根據2012年美國的地質調查，白銀在地球的可開採量大約是53萬噸，而黃金的可開採量大約5萬噸，兩者數量比例約為十比一。當然價值不完全和開採量掛鈎，可是人類五千年歷史以來，黃金大部份時間都比白銀貴十六倍左右，兩者從沒有今天這樣大的差價。


白銀甚至比黃金更有用，手機、電腦、電視、甚至太陽能設備，都需要使用白銀；而醫療用途、催化劑、接焊、導電、複合等等，白銀都是上佳的材料。「我有兩件襯衫有白銀成份，說可以抗菌。」喬拔萃說：「白銀用途極之廣泛，太平盛世自然會升值，亂世走難，本身的價值更會恢復起來，所以一定唔會輸。」


以目前白銀的工業用量，可能在二十年內便會被開採殆盡，是全球最先被採盡的貴重金屬，目前價錢太便宜，業界並不積極尋找代替品。


如果白銀目前價格僅僅為黃金六十分一，是嚴重被低估，那黃金是被高估了嗎？喬拔萃和我爸爸竟然同一反應：「銀紙才是被高估，根本就是廢紙！」美金、歐元、人民幣等大部份主要流通的貨幣，都已經沒有真金白銀支撐，純粹是政府需要開機印銀紙，隨時貶值。德國第一次世界大戰後為償還賠款，就像今日美國面對金融海嘯一樣狂印銀紙，1914年德國一顆雞蛋只要0.08馬克，到了1923年卻要800億馬克！而一盎斯黃金在1914年可買到1,250顆雞蛋，1923年依然可以買到1,087顆。


還有紙銀、紙金，都是虛擬的，隨時和股票一樣淪為投資遊戲。實體白銀的開採量只有53萬噸，僅是現今紙白銀量的17%，只要投資者把紙銀變成實銀，紙白銀市場就會崩盤。


更值得反思的論點，是來自《摩根報告》發行人大衞摩根，他形容白銀不只是一種資產，也不只是賺錢的方式，而是一種「宣示」：告訴這個社會，我們不只是被訓練為一個消費者，身為人類，我們有權利透過擁有實質資產，對甚麼是有價值的東西，做出自己的判斷。

入貨 - 平保集團

02318.HK@56.00

一直都有留意『平保』。講保險，它比中人壽的增長強勁；講業務組合，除左大家都有的保險及投資，佢仲有銀行，同時又同馬雲一齊搞有咁多動作，而盈利則每年都能保持增長。雖然之前投資『富通』奶左野，但正所謂經一事長一智，相信佢地以後會做好風險管理，及專注內部增長。

小注怡情，希望可以升番去 70 蚊水平。

^ω^

匯豐控股 0005 (2013/4th)

轉回港幣，第四次股息約 1.4782 港幣，今次派息將會為我帶來約 5.5K 被動收入。但匯豐我慣左以股代息，睇下今次可以收到幾多股吧!!

==

匯控(00005.HK) 公布截至去年底止全年業績，列帳基準稅前盈利225.65億美元(下同)，按年升9%，遜市場預期。每股盈利0.84元，派第四次股息0.19元，全年股息為0.49元。

金城金條有限公司

地址: 上環孖沙街金銀商業大廈7樓701-702室
網址: http://www.goldbar.com.hk/
電話: 28508028
電郵: info@goldbar.com.hk
辦公室營業時間: 星期一至五 9:30 至 5:30 (中午休息時間為 1:30-2:30)，公眾假期休息
回收: 黃金、金銀、白金 (白銀要打去問價)

是樓上鋪，鋪位唔大，感覺似兌換店。

雖然話下午 1:30pm - 2:30pm 午飯，但上次問過金城金條，話就算係呢段時間去買嘢都無問題，只需早少少打電話過去就得。我的資金唔多，所以我係以買白銀為主。我買的是德國 賀利氏 1 kg 銀條，但 1kg 始終有啲重，希望可以買啲輕啲的。雖然金城有 500gram 銀條，是由 {戈壁} 製造的，但我未有時間上網 search 呢個製造商咩料，所以暫時唔敢買住。

金城金條提供網上平台，要先成為會員，再入錢到佢戶口，佢網頁雖然寫話通常一個工作天，但上次去買銀條時，直接問左阿靚仔，佢話如果真係好急的話，可以直接係 office hour 打電話過佢，佢會即時 check 數，無問題的話會即刻入數到你個網上戶口。呢個平台除了營運到零晨 3:30 外，還提供 mark 價排隊服務，例如你估計金價、白銀價會向下跌，你可以 mark 一個比現價低不多於 5% 的價錢，系統就會幫你排隊。呢個我幾 buy，因為呢排我發覺白銀價係夜晚跌多升少，入定錢，到夜晚睇價買，如果太夜的，可以 mark 價跟住去訓覺。

問過係金城做個靚仔，佢話拿實物時，唔會有 hidden charge，只需要早一兩日打過電話過去同佢地講聲得。

[2014.05.02 - 更新]
原來金城有齊晒賀利氏黃金的全線產品 (但我唔記得左金銀係未都全線有晒)，例如 500g、250g、100g、50g，連 1g 都有售。無放上網的原因係好少人向佢地要貨，但如果想買的，只要打電話去問佢地就得，如果無貨的話，需要一至兩日時間。正﹗﹗ 因為我正煩惱那裏有 100g 的黃金買﹗ ;-)

又買多條 1kg Heraeus 銀條

日期: 2014-05-02
店鋪: 金城金條
類別: Heraeus .999 1KG 銀條
價值: HKD 5,150

難得琴日放假，就走左去金城金條買左條 1kg 的賀利氏銀條。其實想再買好耐，但平時真係太忙，午飯時根本抽唔到時間去買，所以一直拖拖拖…拖到琴日放假先去買。係我拖拉的期間，銀價上落唔大，一直係 US $19 - US $21 之間橫行，係我買的事候個價仲要跌穿埋 US $19，真係好彩。對比上一次買銀 (已經係差唔多一年前)，價錢只係相差 HK$300 元。

金城轉左單據，以前係用手寫單，而家變左電腦印出來，堅左好多。

今次係同太座一齊上去買，帶佢上去一次，以後如果我想買又無時間的，就可以叫太座幫我買。太座問我啲銀保唔保值，我笑住答妳啲爛鐵 （LC）都保值，無理由銀唔保值。其實銀同金一樣都係貴金屬，只係銀平啲，而賣番出去的話就看當時個價，當然短期我唔會賣，反正我只是用閒錢（透過做 freelance 賺番來的錢）去買銀，心態跟買模型玩具一樣。

過去的一年，已經少了很多人再提買銀，之前跟開的 blogger 也都停晒手無再入貨，可能係因為感到貴金屬價格會再下跌，所以先觀望一下吧。

不論如何，我希望將來自己有堆金、銀山。

離開時多口問左靚仔一句，會唔會有 500g 的金買（其實我係想問 100g，但唔知點解講左 500g），靚仔話有，仲話除左 500g，佢地仲有 250g，100g，50g，連 1g 都有，只要打電話上來問左先就得，無貨的話要係倉到拿，約兩至三日。問佢點解唔放係網站公告天下，佢答好少人對呢啲重量有興趣，所以費事放，仲話佢地有晒賀利氏全線產品，有咩想要打個電話就得。

正！！因為我正想買 100g 的金。