辛苦搵來俾政府...

早幾日收到稅局張單，wtf...俾成三萬幾四萬蚊稅？！呢個數對好多人來講可能唔係咩野一回事，但對筆者來講真係好肉赤...係香港，個人稅只有父母供養、孩子供養、進修及慈善可以用來抵稅...但又可以扣到幾多？日日辛苦係咁加班為左咩？就係為左俾多啲稅政府囉...

- 完 -

半年定存得個吉

今年（15年）四月做左十萬人仔半年期定存，年息四利，剛到期，原本諗住賺番二千蚊利息，但因為人仔貶左值，換番港紙時比同當初換人仔個額仲要倒蝕多五十蚊，半年下來得個吉。

-完-

買貨 - 3988 中國銀行

10000@3.35

假設今年盈利無增長，派息一樣 (2014年派息 0.19 人仔) 以現假計人民幣兌港元，2015計約 0.23 港元，都有 6% 息！

買貨 - 0005 匯豐控股

手多多，入左一手匯控@67.2！！

雖然好多人都唔睇好匯控，但係今時今日呢一刻，個市就算未跌夠都應該差唔多。對比起內銀內險，突然間我覺得匯控更值得我去相信。

收息 - 第三季

[13/08/2015] 今日收到銀行信，收到平保的末期息，仲有紅股！
      28/07/2015 平保14年末期息   ----- HKD 255.12

[01/08/2015] 今日收到銀行寄來的信，收到建行末期息，計埋中行末期息，九月去東京旅行的洗費有著落了 :-)

      30/07/2015 工行14年末期息   ----- HKD 4476.09
      29/07/2015 中行14年末期息   ----- HKD 2137.61
      24/07/2015 建行14年末期息   ----- HKD 6826.53
      17/07/2015 港鐵公司末期息   ----- HKD 370

      08/07/2015 匯豐控股 2015/01 ----- 42@73.619528 (股息)

買貨 - 2318 平保

500@103

雖然阿爺日日跌，但我還是睇好平保！！

清袋 - 港鐵

今日清埋最後 500 股港鐵，而家一股都無。賣仔莫摸頭，但其實我係睇好港鐵的，不過係而家呢個時勢，有更好的選擇，所以賣出去搵其他更好的選擇。

今次同上次的賣價差唔多，上次係 37.75，今次就係

00066.HK@37.70 x 500 @2015.06.23

註：不過有樣野唔好，話說我係廿四孝老公，全部股票都用左太座個名，每次一買一賣佢會會收到 SMS，之後佢就會打來問咩事 T_T

中銀？？だめ！！

唔係話佢的股票唔得，而係話佢的服務唔得！

連續兩日(13&14號)用中銀的櫃位服務，繁忙時段(1300 - 1400) 及非繁忙時段 (1100 - 1200)...老實講，真係慢到無朋友，我唔係以一間做標準，呢兩手日我去左三間分行，都只係開兩個櫃位俾一般服務 (睇來已成為標準)，等超過三十分鐘...(靠)，係我用咁多簡來講最慢的一間。

個股票交易系統仲嚇人，話說我以前係中銀做月供匯豐、平保同中人壽，除左月供，我從來都無用過中銀做買賣，早兩日見個市升得咁急，諗住清左隻中人壽，點知一 set 好價及確認後，係 portfolio summary 到即時無左成條中人壽紀錄，以為咁勁即時放到！原來唔係，仲排緊隊。我用過幾間唔同行 (匯豐、花旗、永隆) 都係顯示可供買賣數量，而唔係成條紀錄無左。不過佢都有好處的，月供股票佢講明可以用正價放，試過又真係得喎！但要自己 set 囉，老一輩的唔知識唔識呢 :)

同中人壽講拜拜

將以前月供的中人壽全部沽清，自己一股都無。

02628@40.0 x 1194@2015.04.13

睇番之前的供股記錄，由 2008 年 7 月開始月供，好似到 2009 底無再供，平均價約 29 元。賺得唔多，而且又才剛升市，按理應該再等一下會仲好。但我個人有點 feel uncomfortable，覺得國壽唔啱我，咁多年以來，佢本業一直無咩起色，今次升咁多只係因為 A 股升左好多，難得有機會，我情願放左佢，拿番啲資金，等機會入其他。況且我仲有平保係手，相對而言，平保俾我信心大好多，如果 A 股會繼續升，平保都會受惠。:)

賣 - 港鐵

原來花旗 upgrade 左佢地個系統，已經無儲倉費，而家仲可以係網上沽碎股，正﹗﹗ 

拿住隻港鐵都唔知做咩好，所以琴日先試一試沽左手上的碎沽。

00066.HK@37.75 x 110 @2015.04.09

排的時候個股價係經 38.30，低 0.55 成交。

仲有一手，睇下有無機沽埋佢唔駛煩 :)

重新分配強職金

筆者到而家為止，轉左 5 份工，曾經有幾個強職金戶口，又中銀、又銀通、又匯豐，後來我就將全部強職金整合兩個戶口，一個匯豐，一個宏利。

匯豐係而家份工用開，所以一定要用，而用宏利的原因係因為老婆個保險經紀，佢拿到 mpf 牌，問我有無興趣轉過去，見佢好盡責，又唔會亂咁推銷，所以就轉過去。

早係上年約 8、9 月份，我將匯豐的強職金安排，由歐、美洲及中港股票，轉成現金加中港股票，而宏利則一直都是中華基金。原因是當時覺得歐美股已升了一段時間，而經濟則好似並沒有任何好轉。上月再次重新分配匯豐和宏利的 mpf 如下

30% x 歐洲
30% x 美洲
40% x 中港股票

原因是歐元貶值，如果好似日圓咁，股市應該會變得有排玩。中港股票則因為阿爺放水，正如好多人分分析所講，阿爺放水，但如果啲水流向國銀國企，可以話係無效果，為左刺激經濟，反而將股市向上推，做個勢出來，當人人見到股市有升無跌，必定入市，到時人人賺到錢，就會好捨得咁去鳩烏﹗


講開又講，匯豐個強職金表現真係垃圾到不得了…差到無朋友，反而宏利的表現唔差，起碼跟足個市﹗

平保業績對辦 純利大升四成

除左會派 0.5 (含稅) 人民幣末期息，仲會每十股送十股，嘩~ 太好啦~

===

來源：蘋果日報
網止：http://hk.apple.nextmedia.com/financeestate/art/20150320/19083055

【本報訊】A股去年末季升勢凌厲，市場對內險股業績寄予厚望，平保（2318）以「省鏡」成績表為內險業績期揭幕，去年全年賺392.79億元（人民幣．下同），按年增近四成，符合市場預期。壽險主要經營指標新業務價值及內涵價值均優於市場預期。每股派末期息0.5元（連稅），該股昨日收報88.5港元，按日升0.855%。
平保去年所有業務均平穩發展，旗下平安銀行依然為集團最大盈利來源，賺198.02億元，按年增約三成，淨利息差亦按年拓闊0.26個百分點，全年清收不良資產總額達33.25億元，惟不良貸款率仍惡化0.13個百分點，至1.02%，稍為較招行（3968）的1.11%理想。
壽險業務新業務價值增20.9%，內涵價值增30.13%，兩項指標均優於滙證及富瑞之預測。壽險業務向好，期內賺156.89億元，按年增28.3%；個人壽險業務代理人數量去年底已突破六十三萬五千人，按年增14.1%。
平保首次提到擬以資本公積金轉增股本，每10股轉增10股，共轉增約91.4億元，待股東會批准。現約有一千名公司管理層和核心員工參與，預計今年實施。

英國買樓需知 - 出租物業稅達20%

來源：蘋果日報
鏈結：hk.apple.nextmedia.com/financeestate/art/20150217/19045191

【注意事項】

投資外地樓市如隔山買牛，有多個注意事項。中原地產項目部（中國及海外物業）營業董事許大衛指，香港人多數買一手英國樓花，揀好心水樓盤後，可向發展商落訂（Booking Fee）留位，到發展商確認單位可買時，買家最少要付一成首期，電滙至英國律師樓，便代表買家進行交易，成事後雙方交換買賣合約代表正式買下樓花，上述需時約兩至四周，之後便是等入伙，一般兩至三年。到交樓前兩個月，便要申請按揭，發展商一般有相熟銀行，如中國銀行英國分行，借英鎊上會，時間視乎銀行及交文件速度。到收樓日才需要親身到英國，但亦可找委託人代辦；銀行按揭息率普遍約3.6至4.9厘。

總括而言，買家要付出一成首期（新樓），律師費約兩萬至三萬港元，印花稅2%至12%，視乎銀碼，出租要繳交兩成物業收入稅，另有地租及管理費等。二手樓首期普遍約兩至三成外，其餘費用與一手相若。

台灣置業需注意土地權

來源：蘋果日報
鏈結：hk.apple.nextmedia.com/news/art/20150224/19052801

有協助港人辦理移民台灣的移民顧問指出，自去年佔領運動後，委託其申請移居台灣的港人個案激增超過兩倍，每個月最少有十宗申請，由於台北的住屋及生活開支較貴，越來越多港人選擇定居台灣中南部地區，減輕生活負擔。他提醒有意在台灣置業的港人宜購買擁有土地權的物業，獲得較高保障。

專營台灣移民顧問的朗峰國際營業董事林耀宗指出，去年佔中後，委託該公司申辦台灣投資移民的港人個案，由以往每月兩至三宗急增至每月十宗。

他稱，近年港人移居台灣人數急增，已惹台灣人憂慮，「擔心香港人過多會影響佢哋生活同樓價，就好似香港人擔心太多內地人嚟香港一樣」。因此台灣當局早前建議提高投資門檻至一千萬新台幣（約二百四十四萬港元），「呢個係建議，現在仲係六百萬新台幣（約一百四十六萬港元），唔少有意移民台灣嘅香港人都擔心會進一步提高門檻，趕搭尾班車」。

50年後或被逼遷

他表示，不少投資移民台灣的港人會選擇買樓收租。他提醒有意在當地置業的港人留意相關物業是否擁有土地權，「台灣有少部份物業只有地上權，並無土地權，業主要五十年後向台灣政府申請續租，但當地以往並無先例咁做，台灣人擔心屆時政府唔肯續租，會被逼遷，唔會買呢啲樓，所以呢啲樓會平過市價，但我建議港人都唔好買」。

他又稱，以往港人多選擇定居台北，但隨着台北住屋及生活開支上升，越來越多港人選擇台灣中南部如台中或高雄等地區定居，「中南部一間大約七百呎新樓只需一百多萬港元，但台北就要二百幾萬港元」。

樓評家論市：日本交稅一般比香港還要低

可惜文章中並沒有太多說明如何慳稅，或該客戶的大概情況。如果能提供相關資料，必定更能吸引其他客戶前往查詢。


來源：蘋果日報
URL：http://hk.apple.nextmedia.com/financeestate/art/20150103/18989444

==

稅，當然是沒人想交，但很可惜，沒有人可以逃避得了。既然要走出香港，為資金尋求出路，各地稅制並不可能不作研究。香港資訊爆炸，少數人說一件事不好，自然會產生羊群心理，甚至出現條件反射式恐慌。但作為一個專業盡責、務求令投資者合法合理地減低稅務支出、從而提高投資回報的日本地產仲介，是應該為大眾說清楚真實情況。
日本稅率給香港人的感覺是既複雜亦較香港為高，實情只是說對一半，是複雜，但並不是絕對地比香港高，只因有不少不夠專業的日本地產仲介，不太懂日本的稅務情況，才用最省時省資源的方法去為客人報稅，結果每年白白要交租金3成多作稅金，比香港十多巴仙高出一倍！

跟香港不同，日本的物業稅是以累進稅率方式計算，當地為狂谷樓市，一幢式物業更有極複雜但非常吸引的稅務優惠，而且更有個人免稅額作扣減，一般人通常都是受惠者。而高稅率主要針對在日本極為富有的納稅人，除非閣下投資三千萬港元以上的資金，否則很少人要交比香港還要高的稅率。

用一個真實例子作分享，有位讀者在某間不專業的仲介買了一幢五千多萬日圓的物業，每年收5-6百萬稅金，竟然交了150萬的租金收入稅給日本政府！但經我們公司的稅理士部門計算之後，發現該位讀者每年交多了近120萬稅金，可惜受害者並沒選用專業的地產經紀，否則租金收入自然大增。

以JPmyhouse2014年的納稅個案作統計，我們超過80%客人每年只需交10-12%物業稅金收入稅，50%左右的客人每年只需交0-8%，當中沒有一個個案要交3成多的稅金。所以希望各讀者慎重選擇仲介公司，投資路上便會事半功倍。