2013.07 - 財富更新

七月真係收息的好日子!! 如果內銀股係一年派兩次息，而每次都係派咁多，咁就真係開心屎我啦!!

2013.07.11 - 00005 以股代息，收左 33 股新股
2013.07.12 - 00939 收息 - HKD 4,512
2013.07.12 - 03988 收息 - HKD 365。蠢左，以為 6 月入嗰 3 手有息收 :-(
2013.07.13 - 番左上大陸，將啲人民幣做左一年定期，年息 3.25% {詳情}
2013.07.17 - 01398 收息 - HKD 2,801

以下是 7 月底的最新財富佔比:-

00005:-    53.00%

00066:-      2.88%
00939:-    14.18%
01398:-      8.71%
02318:-      6.77%
02628:-      6.66%
03988:-      2.65%
04218:-      3.40%
silver:-        1.74%

英宿舍盤 「車位價」吸港客

http://property.mpfinance.com/cfm/pa3.cfm?File=20130726/paa01/laa1.txt

數十萬起 租予留學生

【明報專訊】政府推各項印花稅遏市，變相加重物業投資者的成本負擔，不單令投資者入市大減，更令代理「冇啖好食」。近日多間本地代理行為「殺出血路」，同一時間推出多個位於英國第2、3大城市伯明翰及曼徹斯特的細單位樓盤，入場費只約港幣數十萬至100萬元左右，在香港僅可買入一個車位的價錢吸引香港小本投資者，購入租予英國留學生作宿舍用途，更聲稱可享8厘的租務回報。但有投資顧問指出，小投資者要留意條款細則如轉讓限制，以免招致損失。

英國由於頗為港人熟悉，而且每年均有大批港生到當地升學，順理成章成為重點推出可作留學生宿舍的樓盤銷售對象，其中曼徹斯特更成熱點，以項目「G-Suite Cardinal Manchester」為例，該位於曼徹斯特的服務式精品住宅共提供160伙，全採用開放式設計，建築面積介乎201方呎至305方呎，入場費約70多萬元（詳見表）。負責項目的物業代理聲稱，若以市值租金每周100英鎊租出單位，帳面租金回報約7至8厘，但由於管理公司會代管及代收租，業主需繳租金的10%至12%作為手續費。

代理指帳面租金回報逾7厘

另外，同樣位於曼徹斯特的「Chapel Street, Manchester」學生宿舍共有108個單位，實用面積約140至150方呎，做價約60萬至70萬元。負責的代理行表示，投資學生宿舍的租務表現穩定，首5年更有8%的租賃回報保證。除了上述兩個項目外，市場上還有曼徹斯特「Trinity」和伯明翰「Mi Place」等發售，全部均以入場費低、租務回報高作招徠。

儘管回報表現看似吸引，準買家但也要留意因是「隔山買牛」，要特別小心，並要留意若投資金額太細，當地銀行會拒絕承做按揭，同時要留意在暑假期間，原有學生會遷出，業主要再找短期租客頂上，惟期內租金可能要減半。

未必享有業權 轉讓限制較多

另投資顧問美國萬利理財亞太區總裁張佩儀提醒，要留意購入的單位，是否限定只可作學生宿舍，如此則某程度上業主並不真正享有業權，轉讓限制較多。例如，由於政府批地建宿舍時是以優惠地價批出，因此單位不能自住，並必定要租予學生或老師；根據英國法例或消防條例，單位或不可隨意拆則，日後放售時都要或要經特定經紀，更不可自由放售，只可售予指定的物業公司。

她又指出，業主要有心理準備承擔英國較為高昂的裝修費，而扣除管理費、律師費和各項手續費後，回報率有可能減較表面的租金回報減2至3個百分點，「有公司說保證3年回報，但3年後呢﹖到時若發展模式失誤，而代理公司只是負責賣樓，還可以向誰追討？」


【明報專訊】Q：記者

A：美國萬利理財亞太區總裁 - 張佩儀

留意鄰近大學收生比例

Q：投資英國海外住宅項目，特別是打算租予當地留學生，有什麼要注意﹖

A：首先要留意該地段是否具有優勢，因為這會直接影響出租率。例如在劍橋（Cambridge）附近的住宅當然會有較穩定的租務表現，另外亦要留意周邊學校的收生比例，若該學校較多取錄國際學生，需求自然隨之上漲。

銀碼太細 難做按揭

Q：這些單位入場費介乎50萬至100萬港元，銀行是否一般都不會承造按揭？買家若加按香港物業買英國宿舍單位好嗎？

A：由於售價不高，很多銀行都不會承造按揭，即使有代理為客戶委託銀行做，利息都會很高，未必划算。物業50萬，若然按20萬，利息都至少3厘至4厘。若在香港有物業，加按當然比在香港做按揭好，但英鎊低水時當然沒有問題，若升值時隨時得不償失。

暑期租金收入「打折」

Q：暑假時是否要另找租客﹖租金通常是否要打折﹖

A：一般都要打個折扣。但現在有很多學校都有做summer school，以不同課程吸引學生報讀，淨租兩個月，加上有幾年回報保證，最初應不用太擔心。

月平息與實際年利率

好嘢來，這篇報導可以讓你更了解月平息與實際年利率的分別。最重要的資訊是這筆貨款並唔係到期先還，而係每個月都要還。這便能解釋為什麼我不能簡單的把月平息乘 12 便當成是年利率。

番大陸做定期

上年去左大陸間中行到開左個人民幣戶口，之後換左啲人民幣入去。雖然一直都知大陸銀行的利息高啲，但都無理到。到今年 7 月，終於的起心肝，番左去做一年定期，3.25% 年息。

香港呢邊某啲銀行好似比較高息，但睇清楚，原來只係限某類型戶口，例如建銀香港，要有出糧戶口，同時仲要係佢地的貴賓理財客戶，及有 100萬資產，才會有 5.25% 高息。其他的港銀，好多都係得 2.8% - 3%。自問無 100 萬人仔咁多，而且大陸有資金管制，每日拿錢番香港有限制，無可能成日番大陸拿錢番來，咁仲煩。

一年有 3.25% 我覺得已經唔錯，而家好多股票都係咁上下，當然，如果拿來買內銀仲和味，最少有5%，不過呢筆錢係應急錢，所以唔適合用來投資，而家當買債券。

:-)

德國賀利氏 Heraeus

網址: http://heraeus.com.hk/en/home/heraeus-hongkong.aspx
純度: 999.9 (金)、999 (銀)

賀利氏公司被認定為世界五大最佳精煉廠之一，產品為貴金屬行業的最高認證，全球認可。LBMA 認可金、銀製造商。由賀利氏製造的金、銀條可以在倫敦交易所交收。

賀利氏創建於1851年，總部位於德國黑森州法蘭克福以東的哈瑙市(Hanau)。歷經150多年的發展，賀利氏集團公司已經成為生產貴金屬和特種光源的全球化高科技企業。

賀利氏提供不同重量的黃金及白銀，例如，黃金會有 100g、250g、500g 及 1000g {詳細 - stamped gold bar，詳細 - cast bar}，而白銀也都一樣 {詳細}。

老實講，賀利氏呢個牌子無得頂，可惜的是，在香港就只有金城金條有賀利氏的 1kg 銀條買。如果大家知道還有那個地方有賀利氏的黃金條、白銀條買 (輕過 1kg)，請通知。

終於收到 Scottsdale 銀條

上個月買的 Scottsdale Silver {詳情請按此} 終於都送左來!!!
等左成一個月呀…陰公豬!!! (ಥ‸ಥ)

雖然時間係長左啲，但都算值得的，俾大家欣賞下!!

1 x 10oz Scottsdale Silver Hand Poured
不過正面的獅子有少少花左，這就是缺憾美!!

9 x 100gram Cast Silver Bar by Scottsdale

隻獅子 logo 真係型爆!!

全部加起來約 1.3 kg，好鬼重!!!

試過就咁拿起 5 條 100 gram 的 silver bar 係手，覺得都已經好重手，相比起 1kg，10oz 或者500gram 都適合於收藏!! 不過係香港，暫時只有 SIC 有 500gram umicore 銀條賣。

2013.06 - 財富更新

2013.06.04:- 02318.HK 收取股息 HKD278.58
2013.06.05:- 00066.HK 收取股息 HKD299.4 (已扣 HKD30 手續費)
2013.06.08:- 向 Scottsdale Silver 購入左 1 條 10oz silver bar，及 9 條 100gram silver bar {詳細}
2013.06.11:- 04218.HK iBond，抽左兩手，派足兩手。我本人唔太願意抽 ibond，不過有人落 order 要抽，所以無計要跟。
2013.06.13:- 03988.HK，在 3.15 買入了 3,000 股。見佢股息都有 5 利幾，所以買多幾手收息。
2013.06.24:- 向金城金條購入左 1 條 1,000 gram 的 Heraeus 銀條 {詳細}

6 月底的最新財富佔比:-

00005:-    51.53%
00066:-      3.00%
00939:-    14.16%
01398:-      8.80%
02318:-      7.41%
02628:-      6.95%
03988:-      2.75%
04218:-      3.55% - ibond
silver:-        1.86%

入左條 Heraeus 1KG 銀條

日期: 2013-06-25
店鋪: 金城金條
類別: Heraeus .999 1KG 銀條
價值: HKD 5,400

見白銀價跌左幾日，又跌得咁勁，所以今日食午飯前打電話去金城金條到問有無賀利氏 (Heraeus) 1kg 銀條，接電話個靚仔把聲好有禮貌，佢話有貨，隨時上去都得，所以就係午飯時間行左去一轉。

可能係第一次去實店買白銀，所以好緊張。現場無點詳細睇條銀條，番到屋企拿出來欣賞，還不錯。只是看來有少少氧化，因為感覺上有啲黃黃地色，唔似其他金甲蟲咁影出來閃閃爍，似有層漠係到面到。搵左塊陳年抺銀布出來抺左幾下，好似都無咩用，唔知點搞好，其中一邊角有明顯黑色，好彩範圍唔太大。張單上面又唔記得叫靚仔寫番條銀條的 serial number 上去，唔知將來賣番俾佢有無影響。

不過整體感覺良好，但看來 1KG 是比較重了些，拿著它來行路覺得有些吃力  o(-`д´- ｡)

睇來都係 500 gram 似合適啲。

白銀個價而家跌左咁多，可以唔駛急住再入貨，可以慢慢來~

講開又講，原來金城、利昌同 SIC 都係係嗰頭附近，下次可以行下過去都得~

選購白銀時考慮的因素

我買白銀，基本上會考慮以下幾方面:-

純度 - 相信一般銀甲蟲都知度，銀的純度主要分 925 (92.5%，通常用於飾物)，990 (99.0%，通常用於工業)，999 (99.9%) 及 9999 (99.99%)。我通常會買 999 純度，不會買 925 或 990。

資金 - 購買白銀，我都只會用閒錢，絕對唔會去借錢。

溢價 - 買得白銀，主要係想保持購買力，當然如果有升值潛力最好，如果可以的話，我會選啲溢價比較少的銀條來買。暫時我未考慮買銀幣 (唔夠擔講一定唔會 ^_^)，例如加拿大楓葉銀幣或者鷹揚銀幣，因為溢價太高，但是可以理解的，主要係佢地的手工精緻（個價包左嫁），有發行量的限制，同埋每個銀幣包含了一定的貨幣額度，可以直接當錢用，而且，出售銀幣比銀條容易，如果你有保留個原裝袋，有好多賣銀的地方都會回收，而銀條，很多時都只能賣回給出售的店舖。

{註: 可惜我第一次就選左一種高溢價的銀條來買…因為太靚…呵呵}

認受性 - 並非我唔支持本地老店，只是因係我唔知道呢個世界會幾時先會轉用黃金、白銀來做法定貨幣，而將來我亦有可能會去香港以外的地方生活，所以，我買入的白銀最好是國際知名的 (例:  » Scottsdale、» Heraeus、umicore 或 NTR 等等)。那麼，將來我去到任何地方，我的銀條還是能夠透過不同平台出售，例如 ebay或專出售白銀的店鋪。當然，我唔排除到時候可能還是會被溶左當普通銀咁計價來被收購。但如果可以，我會盡量不賣出我手上的銀條。

重量 - 如果在考慮到 {可攜性} 及 {可售性}，我覺得 1oz 到 1 kg 是最合適的。
{可攜性} - 如果有朝一日黃金白銀變成法定貨幣，或者真係有戰爭發生，那麼，輕便的物件在走的時候一定比較方便，也易於收藏。而將來要拿條銀條出來用時，只需要拿足夠的重量作貨幣使用便可以了。如果太重 (例: 100oz、5 kg或以上的)，不便攜帶，拿出來用時會很不方便。如果是大額交易，應該考慮黃金，而不是白銀。另外，如果我是有能力一次過買到 100oz 或以上的重量，買黃金會是一個更好的選擇。
{可售性} - 假設將來白銀可以升到去 USD50/oz，甚至是 USD100/oz，那麼 100oz 的銀條，便價值 HKD77,500 (假設 USD100/oz)，到時，到達有多少店鋪或人有能力 收購你手上的白銀。

正如上面所講, 買白銀主要目的是保持購買力，要預左長期持有，三、五、七年不等，甚至永遠，而不是單純以投資角度來出發。

Scottsdale Silver & Gold LLC

網址: http://www.scottsdalesilver.com
溢價: 以美金元計，唔計運費的話約 9% - 10%
回收: 當然有…不過你要自己運番過去先得…
純度: 999 (銀)
特色: 每件銀條都印有一隻帶著皇冠的獅子的 logo

我有試過呢間嘢，詳情請看 {成為銀甲蟲}。講真，佢做的銀條真係好靚，尤其是印左隻帶著皇冠的獅王係上面，直頭係藝術一樣!!! 我最 like 的係佢的 cast bar 及 hand poured bar，raw 得來又有氣勢，無得頂!!!

不過如果直接向 Scottsdale Silver 購買，你要預左個溢價好高，差唔多要 25%，因為運來香港的費用要 USD70，以投資角度來講一定唔係好選擇。所以我都只係買過一次。佢地話 USD70 可以每次最多運到約 100oz 的銀。 所以，買得愈多愈好，將個運費平均加番去每 oz 入面，減低溢價。

Scottsdale Silver 提供好多選擇，銀條 (5gram、1oz、10oz 或 100oz)、銀章 (1oz、1/4 oz) 或是 cast bar (100 gram、1,000 gram) 或 hand poured bar (5oz、10oz)，咩都有。而 Booksilver - 柏克希爾貴金屬是她們香港的 都有售賣其中的 1oz、10oz 、1 kg 及 100oz 的銀條。

佢地的服務幾好，以我上次的經驗為例，我只是買 USD1,000 的銀，但過程入面，因為係第一次買，好多都唔識，所以 send 左好多 email 俾佢地問長問短，又要求佢地送來的貨要無暇，又要有收據，但佢地好好，好快覆我 email，因為時差問題，大約一天到便有回覆。只是送貨的時間比較長，等左好耐。

不過要留意，Scottsdale Silver 並不是 LMBA-listed 公司。意思即是她們的銀條在倫敦金銀市場 (London Bullion market) 不能用來交收。不過正如其他的品牌 (例如: NTR、Sunshine Mint、US Mint 等)，Scottsdale Silver 品牌已是世界公認！！